Òganan Dhùn Èideann
Bun-sgoil Taobh na Pàirce, 139b Rathad Bonnington
Dùn Èideann EH6 5NQ
Uairean fosglaidh: 08:00–17:50
3–5 bliadhna a dh’aois
Tha sreath de roghainnean ann bho Òganan dhut a-rèir d’ fheumalachdan is na tha thu fhèin ag iarraidh.
Air thùs is air thoiseach, tha sinn a’ tabhann phroifeiseantach cùramach air an deagh thrèanadh, a bhios ag obair fad an latha gus taic a thoirt don chloinn ’s iadsan ag ionnsachadh fo stiùireadh solta, cùram fa-leth, agus le gnìomhachasan leasachail. Gu sìmplidh, bu mhiann leinn gun ruig do phàiste àrd a chomais gus an tòisich e gu fìor mhath air slighe na beatha. Bidh a’ chlann a’ treòrachadh an cuid ionnsachaidh fhèin, agus bidh sinn a’ freagarrachadh nam planaichean againn a-rèir na thogas an ùidhe-san. Cuideachd, bidh sinn a’ brosnachadh cluiche air a’ bhlàr a-muigh cho tric ’s a bhios sin comasach. Tha sinn ag iarraidh gum fàs a’ chlann nar cùram ann am misneachd is tuigse cho math ri ann an comasan is buadhan.
Thèid greimeannan-bìdh, bainne no uisge, agus lòn teth a thoirt don chloinn aig an ionad. Bidh na tràthan ud beathachail is co-chothromach, agus thèid feumalachdan daitheid a shàsachadh mas iomchaidh sin.
Thig a dh’fhaicinn na bhios sinn a’ tabhann!
Seiseanan Maoinichte
Leis gur e sgoil-àraich solaraiche com-pàirteach a th’ annainn, bidh sinn ag obair còmhla ri Comhairle Bhaile Dhùn Èideann gus 1,140 uairean a thìde maoinichte de dh’ionnsachadh is chùram-cloinne a lìbhrigeadh do phàistean eadar trì ’s còig bliadhna a dh’aois air feadh na bliadhna acadaimaigich. Tha sin a’ ciallachadh gum faod a’ chlann frithealadh oirnn Diluain-Diardaoin 08:45–15:15, agus Dihaoine 08:45–12:45. Thèid seiseanan a sholar a-rèir roghainn nam pàrantan agus faotainneachd. Faodaidh a’ chlann na seiseanan maoinichte a fhrithealadh fo riaghailtean cheann-latha na Comhairle.
Seiseanan Dìolaidh
Bidh seiseanan làn-is paìrt-ùine rim faighinn, agus tha taghadh aig pàrantan air an àireamh is an t-seòrsa dhiubh a dh’fheumas iad, m.e. seiseanan sa mhadainn no feasgar a-mhàin, seiseanan fad an latha, no pàirt den t-seachdain, no fad na seachdain. Gabhaidh seiseanan air tàille a fhrithealadh aig pàistean bho an treas ceann-bliadhna a-mach.
